إختيار العميل المناسب

نشرت من قبل imohamedgomaa في


التسويق العقارى 🏡 … لحد دلوقتى إتكلمنا على مدار 3 أجزاء عن التسويق العقارى
و إنهارده هنتكلم عن كيفية تحديد العميل المناسب ليك إللى تقدر تفكر فى طرق إستهدافه بشكل مناسب .

أول حاجة لازم تعرف إيه هى طبيعة الوحدات الموجودة فى المشروع إللى هتقوم بالتسويق ليه سواء فلل أو شقق هل فى Twin Houses أو Town Houses هل فى إستديوهات ولا لأ.

بعد كده لازم تعرف هل المشروع جاهز للتسليم ولا هيتم تسليمه إمتى , و هنا لازم تبدأ تعرف أسعار الوحدات بكل أنواعها بداية من أصغر وحدة حتى أكبر وحدة .

و هننتقل بعد كده لأنظمة السداد , يعنى لازم تعرف أقل قسط بيكون كام و الدفعات إللى بعد كده بتكون إمتى و قد إيه .علشان دى بتكون أهم نقطة فى تحديد الفئات المستهدفة ليك مهما كانت المنصة التسويقية إللى إنت بتستخدمها و تقدر تراجع القنوات التسويقية المختلفة من هنا 

**************************************************

بعد لما هتكون جمعت المعلومات دى هتبدأ خطوة التقسيم و إللى هتقوم فيها بتقسيم كل وحده بتفاصيلها علشان هنا هنبدا نحدد فئة مستهدفة حسب كل نوع لأن أكيد إعلانك و إستهدافك للشقق هيكون زى الفلل .

هنا لازم تبدأ تحدد انموذج الأساسى إللى هتبنى عليها إعلانك و إللى أنا بسميه

Ads Criteria


يعنى ما ينفعش تبنى إعلانك على أكثر من Criteria علشان تسهل على الAds system على أى منصه إنه يوصلك للهدف بتاعك .

حسب كل وحده و كل عميل هتبدأ تحدد نوع و شكل الإعلان المناسب , يعنى مثلا لو وحدة إجمالى ثمنها 500 ألف هل هيكون شكل الإعلان و إستهدافه هيكون زى وحده ثمنا 10 مليون !؟؟

هل هيكون تخطيطك لتكلفة الLead بنفس السعر !؟؟
يعنى مثلا ممكن تكون شغال على مشروع فى الشروق و فى نفس الوقت شغال على مشروع فى التجمع الخامس و ممكن تكون بتسوق لفلل بس الفرق فى السعر بيعد عن بعض تماما.

تحديد الشريحة المناسبة ليك بيكون نتيجة فهمك و تفصيلك للمشروع بكل نقاط قوته و ضعفه .

إوعى … إوعى … إوعى تستعجل فى تحديد الشريحه المستهدفه
سيب لنفسك وقت كافى للتفكير و تحديد الشكل النهائى للعميل إللى إنت شايف إنه قادر ماديا يدفع المقدم أو القسط الخاص بكل وحده .

إعرف عميلك صح و إبدأ فى تقديم كل إللى هو مستنيه .

⬅️الجزء الأول – مقدمة و نظرة عامة على السوق العقارى
⬅️ الجزء الثانى – القنوات التسويقية فى التسويق العقارى

⬅️ الجزء الثالث- التسويق العقارى فى الإمارات




0 تعليق

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

WhatsApp chat