fbpx

الـLead مش شغال

نشرت من قبل imohamedgomaa في


إللى هنقوله إنهارده هى كارثة الكوارث !!

مافيش خبر على أى مسوق أصعب من إن العميل يقولك إن الـ Leads مش قوية و مش جادة فى التنفيذ و خاصة فى السوق العقارى و إللى هو محور كلامنا فى مقالتنا الأخيره .

أوقات كتير خلال العمل على حملات تسويق عقارى , تلاقى العميل بيبلغك إن اخر عملاء كانوا غير مناسبين و إنهم غير جاديين فى عمليات الشراء .

و ده خبر بيكون صعب تتقبله خاصة إن فى الغالب الLead ده بيكون سعره غالى و بطبيعة الحال بيبدأ يعمل معاك مشكلة مع العميل بتاعك.

و هنا بيكون لازم تتصرف بعقل و لازم تبدأ تسأل العميل إمتى تم التواصل مع العملاء مقارنة مع موعد تسليم ال Leads للعميل .

لازم تعرف هل تم المتابعه معاهم كام مره , هل تم تحديدي سبب رفض الLead للشراء ولا إيه إللى تم بالظبط !؟

يعنى لازم تحاول تعرف هل فى أسباب داخلية كانت سبب إننا نقول إن الLeads دى غير كفؤ ولا لأ … علشان هنا هيجى دورك فى تعديل تحسين مستوى الإعلان للوصول للشريحة المناسبة .

و أهم نصيحة بقدمها ليك كمسوق أو كمسئول فى شركة تسويق و هى إنك بتحدد عدد من الLeads فى البداية دايما تقيس عليه

يعنى أول 5 ل 10 عملاء تجمع بيانتهم لازم تعرف رد الفعل من العميل بتاعك فورا علشان على الأساس ده يبقى معاك وقت و فرصه إنك تعدل لكن إنك تصرف كل الميزانية الإعلانية و ترجع تسأل هنا بتكون فى خطر كبييير 😀

فى الختام بنلخص أهم 3 نقاك مهمة فى رحلة تحديد العميل المناسب و هى :
– الTesting
– ال Sampling
– ال Scaling

طبعا كل خطوة من ال 3خطوات دول بتاخد وقت بس أقدر اقولك إنك عادى تشتغل على إعلان لمدة أسبوع مثلا لحد ما تقرر هتعمل فيه ايه خاصة فى إعلانات الLead Generation إللى بيفضل تسيب الإعلان بدون أى تعديل على الأقل لمدة 24 ساعة


0 تعليق

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

WhatsApp chat