الـ KPIs

جربت تمشى من بلد لبلد تانية و إنت مغمض عنيك ؟؟ 😵😵
طيب هل تقدر تنزل تمشى فى الصحراء بدون دليل ؟ من غير ما يكون معاك حد عارف إزاى يمشى و الطريق الصح !؟؟
جربت تمشى فى مكان جديد من غير خريطة 🗺 ؟؟
طبعا الفكرة ذات نفسها مش منطقية لأنك هتعرف إزاى إنك وصلت أصلا لو المكان إللى إنت محتاج توصله ده أول مرة تزوره و هتعرف إزاى إنك ماشى على الطريق صح بما إنك مش عارف تشوف الخريطة مثلا
طيب تعرف إن كل خريطه ليها مفتاح خريطة , بيكون علامات علشان تسهل عليك تفهم الخريطة طبعا المثال ده هو شبه أى بيزنس بيبدأ جديد أو بيزنس موجود فعليا و بيخطط إزاى يكبر و يطور من نفسه
مش هتقدر تطور البيزنس بتاعك من غير ما تكون محدد معايير محدده تقدر تقييس بيها نجاحك
👈 المقدمة إللى فاتت كل الغرض منها إننا نوضح و لو جزء بسيط من أهمية ال KPIs أو مؤشرات تقييم الاداء
و إللى بتقوم بدور مفتاح الخريطة أو مفتاح ال plan بتاعتك و بتقدر تقييم كل نشاط بيتم فى البيزنس و هل كان مفيد ولا لا
👈المرة دى هنتكلم أكتر عن مؤشرات قياس الأداء ) الـ( KPIs) بس علشان نفهمها صح لازم نعرف الفرق بينها و بين الـ metrics العادية
لأن هنا بتحصل لغطبه كتير بين الاتنين و أوقات بنستخدم قياسات على أساس إنها مؤشرات قياس
و علشان نقدر نخرج بأكبر قدر من الإستفادة من المقال ده هخلى الجزء إللى جاى كله على شكل سؤال و إجابة .. يلا بينا نبدأ
1-إيه هى القياسات أو الـ metrics؟
القياسات هى كل الأرقام و التحليلات و الأرقام الموجوده للبيزنس , يمكن للقياسات أن تكون مؤشرات قياس للأداء و لا يمكن أن يكون مؤشر الاداء مقياس
مؤشرات الأداء ممكن تكون مزيج بين أكتر من مقياس أو metrices
و علشان نوضح الجزئية دى هنقول مثال بسيط , لو عايزين نقيس الإنتاجية لخط إنتاج مصنع معين هيكون من ضمن الارقام او القياسات مثلا عدد الساعات , عدد العمال , عدد المنتجات المصنعه لكن كمؤشر أداء هنحسب عدد المنتجات المصنعه لكل ساعه علشان نقدر نقييم منها أداء خط الإنتاج ده .
2-هل مؤشرات قياس الاداء نقدر نستخدمها فقط أونلاين أو مقاييس رقمية فقط
الإجابة لا زى ما ذكرت فى المثال إللى فات إننا بنقييم خط إنتاج مش حملة إعلانية أونلاين أو موقع إلكترونى و لكن رقميا لاى بيزنس أو نشاط أونلاين مؤشرات قياس الأداء بتكون ضرورية جدا و بيتوفر ليها أرقام و قياسات كتيرة تقدر من خلالها توصل لتحليلات مهمه جدا لتطوير البيزنس
3-إزاى نحدد الـKPIs المناسبة
بإختصار شديد تقدر تحددها لما تحدد الاهداف الاساسية للبيزنس أو للحملة الأعلانية مثلا
يعنى لو الهدف الأساسى من الحملة هو المبيعات يبقى هنا الKPIs
المناسبة هى عدد الأوردرات , تكلفة الأوردر و دى هتقدر تحسبها بكل سهولة
4-هل فى صفات أو شروط معينة علشان نقدر نحدد KPIs سلمية ؟
الإجابة طبعا لازم يكون ليها شروط علشان تبقى منطقية و تقدر تحدد على اساسها قرارات سليمة
• اول حاجة لازم أى KPI تحدده يكون بأرقام مش مجرد كلام و بس يعنى مش بنقول إننا هنقيس اداء الحملة دى بالمبيعات … لا لازم نحدد إننا هنقيس الأداء بناء على تكلفة الأوردرات إللى إحنا المفروض فى الاصل و إحنا بنخطط محددين تارجت معين و محددين ميزانية إعلانية معينة
• مش لازم نحددمؤشرات قياس أداء كتير لأن ده وارد جدا يعمل تداخل بين الأرقام و الإحصائيات , و لكن المهم إننا زى ما ذكرنا فى النقطة إللى فاتت إنها تكون منطقية و مبينة على اساس سليم
• لازم يكون المؤشر إللى هنستخدمه يكون ضرورى , يعنى لو الهدف من الحملة الإعلانية هو المبيعات و عدد المبيعات و تكلفة الأوردر مش مهم أو مش ضرورى هنا نقيس عدد الناس إللى عملت Like للصفحة بتاعتنا و نربطه بالحملة كمؤشر أداء , ده نقدر نعتبره مقياس للشغل بشكل عام
• يكون ليه علاقة بالأهداف الرئيسية فى الخطة التسويقية أو أهداف البيزنس بشكل عام
• يكون بيساعد على إتخاذ قرارات مش مجرد رقم أو مؤشر بدون فائدة
5-هل فى أمثلة لمؤشرات أداء مهمة أو متكررة نقدر نعرفها ؟
طبعا فى مؤشرات أداء كتير مشهورة خاصة أونلاين و أهمها
▪️CTR و هو نسبة التحويل , يعنى تقدر عن طريقه تقييس كفاءة الإعلان أو المحتوى
▪️Bounce Rate و ده يعنى معدل الإرتداد و ده بتقيس بيه أداء موقعك من حيث السرعه و هل المحتوى بينساب الزوار أو لأ
▪️Number of qualified leads و هنا لو فى حملة غرضها جمع داتا للعملاء بيكون مؤشر الأداء الخاص بيها هو عدد العملاء المهتمين فعليا بالمنتجأو الخدمه و من ابرز المجالات إللى بنحتاج فيها المؤشر ده هو المجال العقارى
▪️Engagement rate و ده تقدر تقييس بيه نسبة تفاعل المتابعين مع المحتوى و بيكون بناء على عدد الناس إللى وصلهم المحتوى مع نسبة التفاعل و ده بيكون مؤشر مهم لو بتعمل test علشان تحدد شكل معين للمحتوى المناسب أو بتحدد الجمهور المناسب أو وقت مناسب للمحتوى … يعنى بشكل عام مناسب لقياس جودة المحتوى
🔖 طبعا نقدر نجمع كل مؤشرات قياس الأداء أو ال KPIs براحتنا و نقدر كمان نبتكر مؤشرات جديده حسب إحتياج البيزنس
▪️ يعنى كمثال فى مجال المبيعات فى مؤشر Close ratio و دى بنقيس بيها سواء لفريق المبيعات بشكل عام أو لكل مسئول مبيعات بيحتاج كام ميتنج أو مكالمة مع عدد قد إيه من العملاء علشان يقدر يحقق deal مظبوط
و ده واضح جدا إنه بيساعد على قياس جودة عملية المبيعات فى الشركة
▪️فى مجال تانى زى التجارة الالكترونية مثلا أو شركات الشحن فى مؤشر مهم جدا جدا جدا و هو Order Fulfillment Time و ده بيكون مزيج بين أكثر من metric زى عدد المنتجات و عدد الاوردرات و وقت الإستلام و عدد الاشخاص المسئولين على التجهيز و مدة الشحن للعميل
🔖 كل ده علشان تقدر تحدد الوقت المناسب لكل أوردر حسب طبيعة المنتج علشان يوصل للعميل و هنا هتقدر تحسن من العملية الخاصة بالشحن و التوصيل
🔖 كل مجال و كل تخصص ليه المؤشرات الخاصة بيه و على قدر فهمك و إستيعابك للـ Metrics إللى بتقييس بيها شغلك هتقدر تحدد KPIs مناسبة و واضحه و تقدر تبنى عليها قرارات صح
🔖 الـKPIs مش قوانين هنحفظها , و لكن هى عقلية كل لما هتطورها كل ما هتقدر تحقق نتائج افضل حاليا لازم تكون KPI driven .. عارف هتشتغل على إيه و هتقيسه إزاى و هتقييم شغلك إزاى و تقدر تعرف هتطوره إزاى
تقدر تطبق كل ده على نشاطاتك الشخصية سواء مذاكره أو تمرينة فى الجيم أو أى حاجة. المهم تفهم و تطور.

Leave a Comment

Your email address will not be published. Required fields are marked *