لكل واحد بيحب كرة القدم , لكل محبى دورى أبطال أوروبا و الدورى الأنجليزى و الأسبانى و الإيطالى و الألمانى
لكل متابعى قنوات Beinsports و Abu Dhabi Sports
و لكل محبى التسويق ….إليكم هذا التطور الجميل و الممتع فى أيصال الرسالة الأعلانية
فى أخر 10 سنوات إزداد الاقبال على مشاهدة مباريات دورى الأبطال و الدوريات الاوروبية بشكل كبير و أرتفعت أسهم محطات أعلانية كبيرة مثل BeinSports ( الجزيرة الرياضية سابقا ) و قنوات أبو ظبى الرياضية
فى المقال ده هشارك معاكم بعض الملحوظات و الحالات التسويقية الرائعة فى مجال الرياضة
أول حاجة لو أنت كنت من الناش إللى بتلعب PES 2013 كنت وارد تلاقى أعلانات ل Beinsports فى الماتشات
… طيب ده أزاى يعنى أعلان قبل أطلاق القناة الجديدة أصلا
عادى هو تم أطلاقها بالنسخة العربية … لكن كانت موجودة باللغات الأنجليزية و الفرنسية و الأسبانية للمشاهد
الأوروبى إللى هو متعود يتعامل مع النوعية دى من القنوات و المحطات التليفزيونية ( المدفوعة )
يعنى تم تحديد الفئة المستهدفة بشكل رائع و تم توفير المنتج المناسب ليهم و تم تقديمه ليهم بصورة مناسبة لأن كان هيكون صعب على أى مشاهد أجنبى أنه يقول ( الجزيرة الرياضية ) بس سهل عليه يقول Beinsports
و طبعا هيكون سهل على المشاهد العربى أنه يقول أى حاجة 
ده جزء من الحالات المتعلقة فى تحديد الTarget Audiences المناسب و أزاى تدر ظهورك للناس مش شرط علشان معاك فلوس و تقدر تعمل أعلانات كتير أنك تظهر غلط
و كمان فى حالة الجزيرة الرياضية دى مش كانت بتعمل تغير للوجو بس مثلا ( و حتى تغير اللوجو المفروض يتم بفن و أحترافية مش فجأة ) لأ دول كانوا بيغيروا أسم براند و شكله و شوية فى طريقة أدائه مع الحفاظ على نفس الموظين و الناس إللى بتقدم المنتج ده
هما هنا أعتمدوا على قوة الخدمة إللى بيقدموها و إللى هى ماتشات الكورة بجانب الرياضات التانية إللى صعب تلاقى قناة رياضية بتغطيها بالقوة دى
و لو عايزين تعرفوا أكتر و تقيكوا أداء المجطات الرياضية أتفرجو على شغل ESPN أو Fox Sports
طيب أيه علاقة ماتشات الكورة بالأعلانات و التسويق ؟؟
مباريات الكورة بتعتبر من أهم أشكال المحتوى إللى تقدر تمرر من خلاله رسائلك الأعلانية بطريقة سهل و بسيطة لأن ناس كتير جدا بتتابع الماتشات و مهتمية بيها بجانب سرعة تداول الصور و الفيديو بتاع الأهداف و ملخصات الماتشات و هكذا … طيب برضه أزاى أقدر أستفيد منه و الماتش إللى بيتلعب بيكون فى أوروبا و الفئة الرئيسية المستهدفة منه هما الأجانب و أحنا ما إلا مستوى تانى من المستهدفين
ده تم حله بالتكنولوجيا
عن طريق شركة أسمها SUPPONOR و دى شركة متخصصة فى مجال التكنولوجيا والاعلام الرياضي
و بتعمل هذه الشركة على أعادة توجيه للمحتوى الأعلانى إللى بيظهر على اللوحات العلانية الجانبية للملاعب
حسب الشريحة المستهدفة و إللى بتتحدد حسب أشارة البث و علشان نوضح أيه هى التقنية دى بالظبط علشان نبقى بنتكلم و أحنا فاهمين دى تقنية أسمها DBRLive
و هذه التقنية بتعتمد أنها بتستبدل اللوحات الموجودة بالةحات أفتراضية تناسب الفئة المستهدفة و بيتم معالجتها عبر معالجة مونتاجية رقمية محترفة ليبدو الإعلان وكأنه فعلا على أرض الملعب
علشان كده بنلاقى أعلانات باللغة العربية فى مبارة مهمة زى الكلاسيكو مثلا
و فى نفس الثياق ده كان صرح ” باسل جودة ” ، نائب المدير العام في شركة (بروميكس) للدعاية والاعلان في الكويت “لقد قامت الشركة التي تملك حقوق توزيع الإعلان على الشركات التجارية العربية الراغبة بتسويق اسمها في الملاعب الرياضية بتحديد إمكانية ظهور الإعلان في المباراة المختارة الواحدة اربع مرات ولمدة 15 ثانية للإعلان الواحد أي بمجموع دقيقة كاملة في المباراة”.
وأضاف جودة أنه بناء على ذلك اختيرت خمس مباريات خلال الموسم الكروي (2014 – 2105) لناديي ريال مدريد وبرشلونة الإسبانيين خارج أرضهما بسبب شهرتهما الكبيرة بالمنطقة. مؤكدا أن ما دفع الشركات العربية إلى الاستفادة من هذا التقنية وتجربتها هو “معدل المشاهدة العالي المقدر بعشرات الملايين من المتابعين العرب في آن واحد لتلك المباريات فضلا عن انخفاض تكاليف الإعلان الرقمي نسبيا مقارنة مع الإعلان الحقيقي داخل الملعب.”
يعنى كده بأختصار الأعلان هيوصلك لحد باب بيتك , مش هيرفق الماتش بيتلعب فين و بين مين و مين … هيبقى المهم مين هيترج على الماتش ….. علشان نقدر نبيعله مساحات أعلانية تناسبه
و إللى بيحصل نتيجة ده أن الصناعة بتاعة الرياضة ككل و كورة القدم بالتحديد بقى الأهتمام بيها بزيادة لأن العائد منها بقى كبير
و فى نفس الثياق ده كان قال أيمن عيتاني، المتخصص في استراتيجيات الاعلام الرقمي والاجتماعي لدى مختبر (ثنك ميديا) في دبي، باتصال مع CNN بالعربية، إن الخبرة التسويقية المتكونة في شبكة الانترنت “أتاحت المجال أمام الشركات لابتكار تقنيات حديثة تمكنّها من تطبيق فكرة تحديد وجهة الإعلان بحسب الإشارة المرسلة ونوعية المتلقي.”
وأوضح عيتاني أن المردود المالي الكبير الذي تحققه هذه الإعلانات “يزيد من تنافسية شركات الدعاية والإعلان ودفعهم نحو ابتكار أساليب وتقنيات جديدة بصورة مستمرة”، لافتا إلى أن التقنية الرقمية “تتطور يوما بعد يوم ما يتطلب مواكبتها واستغلالها لخدمة الأغراض التجارية.”
فى الختام حابب ألخص الموضوع ده معاكم فى شوية نقاط سريعة
المزيج التسويقى بقى أبعد من ال 4PS بكتير و مناطق و طرق أرسال الرسالة الأعلانية بقت كثيرة جدا
كل مجال ليه الطرق التسويقية الخاصة بيه و إللى بيفرق مجال عن التانى هو الطلب عليه من الناس
التسويق أو الأعلان بمعنى أدق عن طريق مباريات كرة القدم بيعتبر وسيلة مهمة , مكلفة .. و لكن نتيجتها قوية بسبب القاعدة الجماهيرية الجبارة إللى بتتتابع مباريات الكرة
المحتوى بتاعك ( إللى هو هنا ماتشات كرة القدم ) يفضل يكون عنده القدرة أنه يتحور و يتم نشره بأكثر من شكل ( فيديو + ملخصات + أهداف + مقالات + تحليلات ) علشان تقدر تنشر رسالتك الأعلانية بأكثر من شكل و فى أكثر من مكان
عايز أعرف رأيكم فى التطور الرهيب ده فى مجال التسويق بشكل عام أو الأعلان بشكل خاص