لماذا يفشل التسويق العقارى أونلاين!؟

سواء هتصرف 1000 جنيه أو مليون جنيه النتيجه هتكون واحده لو بتعمل الإعلانات غلط

إعلانات العقارات مختلفة عن إعلانات مجالات كتير او يمكن أغلبة المجالات لأن المقابل إللى المفروض العميل يدفعه علشان نقدر نقول عليه عميل بجد أو إللى إحنا منتظرينه هو إنه يدفع مبلغ كبير علشان يستلم وحده فى الغالب مش هيستلمها قبل سنتين أو ثلاثه على الاقل

يبقى لازم تكون تكلفة الحصول عليه أعلى و المجهود إللى بيتم علشان تحقق نتائج اعلى يكون مختلف

كنت إتكلمت على التسويق العقارى أونلاين فى ” كُتيب التسويق العقارى ” 🏡 و كيفية التسويق العقارى على الإنترنت

⬅️الملف موجود للتحميل على الرابط ده 👈👈

نرجع لموضوعنا الأساسى هو ليه الحملات بتفشل أونلاين خاصة و بالتحديد فى المجال العقارى

نقولهم فى نقاط علشان تبقى واضحه و تقدر ترجعلها فى أى وقت و تقيم بيها شغلك بطريقه سليمه

1- توقع الحصول على نتائج كبيرة بميزانية بسيطه

2- الإعتماد الأساسى على المشاريع إللى السوق كله شغال عليها بدون خطة للمشاريع

3- الإعتماد على منطقة واحده فقط فى توفير الوحدات العقارية , يعنى تركز شغلك على العاصمة الإدارية فقط أو 6 أكتوبر فقط أو الساحل فقط

4- التنويع فى المشاريع و التنويع فى قدرات السيلز الموجودين فى شركتك , فى سيلز شاطر فى بيعة العاصمه و واحد تانى شاطر جدا فى بيع الresale و غيره شاطر فى بيع التجارى كل واحد و مهاراته و مهمة الشركه توفرله ده علشان الكل يستفيد

5- الإعتماد على مصدر واحد فقط فى الحصول على Leads و هنا طبعا المقصود الفيسبوك

6- لو رجعنا للنقطة رقم 2 هنلاقى إن لازم يكون فى خطة للمشاريع و بالتبيعه لازم هيكون فى خطة للحصول على الداتا و الـ leads المناسبه للمشاريع دى

7 – إتعامل مع البيعه إنها نفسها طويل هتعمل شغل كتير و الشغل إللى هيكون تحت الأضواء و البيع هيكون فى الأخر

8- لو إنت شركه و مافيش ميزانية كبيرة يبقى بلاش تتوقع نتائج كبيرة

9- لو إنت سيلز سواء فى شركه أو شغال فرى لانس يبقى لازم تراعى إنك تبنى علامتك التجارية

10-لو إنت شركة يبقى لازم تهتم ببناء علامتك التجارية و فريق مبيعاتك كمان

11- مهم إنك تشتغل على مشروع مهم مع الـLaunch بتاعه بس ما ينفعش تبنى التارجت بتاعك عليه

12- إستغل أى مشروع جديد لو المطور مهتم بيه صح و عامل تسويق ليه بشكل مظبوط

13- إستثمر فى إنتاج محتوى خاص بيك سواء شركة او سيلز سواء صور خاصة للمشاريع أو فيديوهات بحيث إن العميل يلاقى في فرق فى الخدمة و هنا هتخلق مساحة جديدة للمنافسه مع السوق

14- مش لازم تقلد , مش علشان 10 شركات عملت دليل العاصمة الإدارية تروح إنت كمان تعمله زيهم , ممكن تعمل فكرة جديدة او لو حتى هتقلد تعمل برضه فكرة جديدة

15- بلاش تشتغل على مشورع فيه مشاكل أو مش هيحقق إللى هتقوله للعميل , لأنك لو عملت كده هتكسب العميل علشان قدمتله المناسب ليه فعلا و هيقدمله إضافه فعليا و كمان هتساعد إنك ترفع مستوى السوق

16- التسويق أونلاين ما هو إلا إنعكاس للى بيحصل على أرض الواقع يعنى لو فكرت إن كل الكلام ده مش مهم و المهم “ نعمل كامين Lead generation “ يبقى لازم حملتك تفشل

ماكنش مقصود يكونوا 16 نقطة بس , هو المهم إنهم أهم نقاط , طبعا كل شركة ليها ظروفها و إحتياجتها بس فى النهاية الهدف واحد و هو تحقيق مبيعات

و علشان المبيعات تتحقق لازم تعمل إللى عليك و زيادة …. بيعة العقارات مش محتاجه حوارات !!

Leave a Comment

Your email address will not be published.