البوست ده هيوضحلك سريعا و بدون تعقيد إزاى تقدر تحسب و تحدد ميزانيتك الإعلانيه إللى تقدر تبدأ بيها حملاتك التسويقية
لأن ده يعتبر من أكثر الاسئلة إللى بشوفها و بنتعرض ليها فى شغلنا و كل العملاء بيكونوا عايزين يعرفوا هيصرفوا كام إعلانات علشان طبعا يقدر يحسب يقدر يكسب كام
طبعا فى البداية علشان نقدر نحدد ميازنية إعلانية بدقه هنبدأ بتحليل السوق و المنافسين و تحديد الفئة المستهدفه بشكل واضح علشان نعرف هنستهدفهم إزاى و فين و عن طريق أى منصة إعلانيه .
على سبيل المثال، لو هنستهدف فئة الشباب المهتمين بالتكنولوجيا، هتكون منصات زى فيسبوك وإنستجرام و تيك توك إختيار اساسى . ولكن لو هنستهدف فئة عمرية أكبر لنوعية منتج أخرى ممكن يكون الفيسبوك عامل مشترك او نتوجه لجوجل و إعلانات محرك البحث
و الخطوة الثانيه هى تحديد الهدف من الإعلانات بشكل عام أو على الأقل خلال المرحلة الأولى . هل الهدف هيكون زيادة المبيعات؟ أوزيادة زيارات على الموقع الخاص بالبيزنس
ممكن يكون هدفك فى البداية هو الإنتشار و زيادة التفاعل خاصة لو براند او بيزنس جديد فى السوق و معاك ميزانية إعلانيه كبيره نسبيا .
دى كلها خطوات بسيطة و مبدئية تقدر تحدد منها الميزانيه الإعلانيه و إللى هنوضح ليها 3 طرق للقياس بكل سهولة
1- تحديد الميزانيه بناء على النسبة مئوية: هنا إنت بتحدد نسبة مئوية معينة من إجمالي إيراداتك أو ميزانيتك السنوية للإعلانات أونلاين . على سبيل المثال، إذا كانت ميزانيتك السنوية 1000,000 جنيه وتريد تخصيص 10% منها للإعلانات، فإن ميزانيتك الإعلانية ستكون 100,000 جنيه .
2- تحديد الميزانيه بناء على الهدف: هنا تحديد الميزانيه بيكون مبنى على أساس أخر خطوة عملاناها بعد تحليل و دراسة السوق و هى تحديد الهدف من الإعلان , يعنى كمثال لو الهدف خلال السنة أو الفترة دى إنك تحقق مبيعات بقيمة 100,000 جنيه , هنا هتكون الميزانية مبنية على الأساس ده و تقدر تحددها لو عندك معلومات سابقة من حملات إعلانيه قديمه أو هتبدأ مرحلة الtest و التجربه و تحدد تكلفة تقريبيه لتحقي هدفك
3- تحديد الميزانيه بناء على المنافسة: الطريقة دى بتكون غير دقيقه 100% و لكن لو عندك معلومه من السوق تقدر تعتمد عليها و هعى إنك بتشوف ابرز المنافسين ليك و بناء على نشاطهم أونلاين أو لو عندك معلومة بطريقة غير مباشرة داخليا من الشركه هتحدد ميزانية تقريبية و دى إللى هتعمد عليها و لكن دى طريقة مش مناسبة فى أغلبية الأوقات لاسباب كثيره أهمها هى مدى كفاءة أفراد شركتك مقارنة بالمنافس و قدرتهم على إستيعاب نفس القدر من العملاء فى نفس الوقت
و هنا هنوصل لأهم قاعدة بشتغل بيها فى تحديد الميزانيات الإعلانيه أو إدارة الإعلانات بشكل عام
1- التجربه ضرورية و شئ اساسى لقياس الأداء و تحديد الميزاينة المناسبة
2- لا نفترض أى نتائح بدون تجربه
3- أى تصرف أو قرار غير قابل للقياس مرفوض
دى قاعده أساسية فى التسويق الرقمى هتكون ثابته معانا فى أى بوست أو أى مقال لأنها ركن اساسى فى خطتك
” النتئاج الجيدة معتمده على التجارب المختلفة , لا يوجد نتيجه مضمونه , و ضمان نجاح حملاتك معتمد على الإستمراريه و التحسين المستمر “
